Oraingoan, Tolosaldeako Altzoan Guraso Elkarteko lagunak izan ditugu bisitan asteburuan. 2 egun bereziak izan dira. Esperientzia zoragarria. Lehen egunean, Oria ibaieko bazterrak, "hondartza" eta zirrikituen explorazioa egin genuen. Bigarrenean, ama/aita/semea/alaba arteko piragua saioa. "Primeran egon zen!!!! Esperientzia izugarria umeentzako eta baita guretzat ere". "Super super kontentu atera ginan denak,errepikatzeko irrikitan". Eskerrikasko bihotzez!

Asteazken honetan berriz, Irurako Ludoketako 30 txapeldun haundi izan genituen gurekin. Guztiak, bizikletaz etorri ziren, bi taldeetan, Orientazioa eta Kayak egin zuten eta benetan pasatu genuen ondo. Mila mila esker eta badakizute non dezuten zuen kirol/natur-txokoa.

Ordiziako Jakintza ikastolako 114 gaztetxo (14 eta 16 urtetakoak) izan ditugu gure artean. Bi txandatan izan genituen. Goizeko 09:30tatik 14:00tara. Ordu eta erdiko hiru ekintza. Orientazioa, SlackLine/Boulder/Oreka eta Kayak. Benetan aberatsa guretzako horrelako taldeari harrera egitea. Laster arte, lagunak!

Oria ibaiaren ertzean gune berria egokitu du elkarteak, piraguak eta bestelako materiala biltzeko; horrek udako kirol eskaintza zabaltzeko aukera eskaini die. Hemen entzungai: https://ataria.eus/tolosa/1497343839011-zumardia-elkarteak-txoko-berria-aurkeztu-du-udako-kirol-eskaintza