DESKRIBAPENA:

Ekintza honen helburua gaztetxoek Tolosa inguruko natura eta bitxikeriak apreziatzen ikastea da, ingelesa lantzen duten bitartean.
 
Aste betez, 5 egunez, herrian bertan eta inguruko mendietan, 3 orduko irteerak egingo ditugu etxe ondoan ditugun altxorrak ezagutzeko. Goizeko 9etatik 12etara, patsadaz hartuz, parke, ibai, erreka, eta mendi inguruetan mugituko gara normalean arretarik ematen ez diegun gauzak aztertuz. 
 
Jolas eta esperimentu errazekin ezagutzaren galdera nagusiak erantzuten saiatuko gara; zer? eta zergatik?
 
Saio guztiak ingelesez egingo dira, hala gazteek ikasgeletatik kanpo hizkuntza hau entzun, ulertu eta erabiltzera anima daitezen. 
 
 
HELBURUAK
 
– Ingelesa erabiltzea ikasgeletatik kanpoko ekintzetan
– Esperimentu eta jolasen bidez gure inguruneari buruzko jakinmina sortzea
– Ingurumena, orientazioa, jasangarritasuna eta antzeko gaiak lantzea
– Norberaren koadernoa osatuz, azterketarik eta notarik gabe ikasteko zaletasuna zabaltzea.
– Taldekieekiko eta naturarekiko zein hirigunearekiko errespetua eta zaintza lantzea.
 
 
TALDEAREN KOPURUA
 
Gutxienez 6 lagun eta gehienez 10
 
 
LEKUA
 
Tolosa eta inguruko mendiak
 
 

PREZIOA

80 euro (72 euro bazkideentzat)

 

ADINAK ETA ORDUTEGIA
 
Talde guztiak Astelehenetik Ostiralera goizeko 9etatik 12etara.
Taldeak adinen arabera banatzen saiatuko ginateke, maila beretsukoak izan daitezen.
 
-Ekainak 15 – 19: 2010, 2011 eta 2012an jaiotakoak
-Ekainak 22 – 26: 2007, 2008 eta 2009an jaiotakoak (San Juan eguna dela eta 24ean ez da egingo eta lau egun izango dira)(64 euro, 58 bazkideentzat)
-Ekainak 29 – Uztailak 3: 2010, 2011 eta 2012an jaiotakoak
-Uztailak 6 – 10: 2007, 2008 eta 2009an jaiotakoak
-Uztailak 13 – 17: 2010, 2011 eta 2012an jaiotakoak
-Uztailak 20 – 24: 2007, 2008 eta 2009an jaiotakoak
 
 
IRAKASLEA
 
Nagore Salaberria (Bidaia gidaria eta Ingeleseko irakaslea)
 

IZEN-EMATEAK